PAUSE

 काल सहजच एका लहानग्याला *प्रश्न* पडला " माझी शाळा कधी सुरु होणार ?"...... प्रश्न *सहज* होता पण उत्तर तेवढच अवघड. काही उत्तरांमुळे हजारो प्रश्न जन्माला येतात आणि मग त्याची लाखो उत्तरं ...

हा *प्रवास* न संपणाराच ......

  ट्रेन किवा बसचं तिकिट काढून तासनतास वेटिंग रूममध्ये *वाट* पाहणाऱ्या प्रवाशांसारख सध्याचं आयुष्य झालंय ....

घडयाळ्यातल्या सेकंद काट्यावरचं *नियोजन* तास काटयावर आलंय...

नविन लग्न झालेल्या नवरीला माहेरी जाण्याची जशी *ओढ* तशीच या परतीच्या प्रवासाची *आस* .....

इंग्रजीमध्ये खूप छान शब्द आहे ... *पॉझ* . तात्पुरतं थांबणं .

या पॉझमध्ये पुढे जाण्यासाठी आवश्यक कामं केली जातात. सगळं ट्यून झालं की *रिफ्रेश* होऊन प्ले च बटण दाबलं की .... मधुर *संगीत* सुरु होतं .

मित्रांनो हा *लॉक डाऊन* सुद्धा एक *पॉझ* आहे .... *आयुष्य* नावाच्या गाण्याचा. हीच वेळ आहे दुसऱ्या इनिंगसाठी सज्ज होण्याची. 

कर्णाच्या कवचकुंडलांप्रमाणे मनाला *सकारात्मकतेच* चिलखत घालण्याची .....

मागचं *रिवाइंड* करुन ऐकण्याची आणि पुढचा *ताल* निवडण्याची ...

बराच वेळ न वापरलेले *टॉप गिअर* टाकून *वेग* साधण्याची.... 

  भावनारूपी रथाला सारथी म्हणून  *संयम* आणि *शांततेला* निवडण्याची...

   खांद्यावर आपुलकीचे हात ठेऊ शकत नसलो तरी शब्दांच्या छत्रात *आधार* देण्याची ......

आणि ....

  *श्वासांची* ही अविरत शर्यत सुरु ठेवण्यासाठी कोणाचा तरी *ऑक्सिजन* होण्याची ....

  या वेळेतल्या एका उगवत्या दिवसाच्या *शुभेच्छांची* ...🙏🏻🎼🌞